ಈ ಹೆಸರಿನ ಅರ್ಥ ಸ್ವಲ್ಪ ತಿಳಿಸುವಿರಾ ?

ಕಳೆದ ವಾರ ವೀಸಾ ಇಂಟರ್ವ್ಯೂ ಇತ್ತು ಅಂತಾ ಮದ್ರಾಸಿಗೆ ಹೋಗಿದ್ದೆ. ಬೆಳಿಗ್ಗೆ 11 ಕ್ಕೆಲ್ಲಾ ಕೆಲಸ ಮುಗೀತು.
ಕೆಲಸ ಮುಗಿದ ಮೇಲೆ ಏನು ಮಾಡಕ್ಕೆ ತೋಚಲಿಲ್ಲ. ಬೆಂಗಳೂರಿಗೆ ವಾಪಸ್ ಫ್ಲೈಟ್ ಇದ್ದದ್ದು ಸಂಜೆ 5:30 ಗೆ. ಸರಿ ಅಂತಾ ಅಲ್ಲೇ ಸಿಟಿ ನೋಡಕ್ಕೆ ಹೊಂಟ್ವಿ. ಪಾಂಡಿ ಬಜಾರ್ ರಸ್ತೆ ಇದೆ ಟಿ ನಗರದಲ್ಲಿ. ಅಲ್ಲಿ ನಡೆದಾದಬೇಕಾದ್ರೆ ಕಣ್ಣಿಗೆ ಕಂಡಿದ್ದು ಇದು.
ಮಕೇಶ್ ಜೆಂಟ್ಸ್ ಹೇರ್ ಸ್ಟೈಲಿಸ್ಟ ಅಂತೆ.
ಮಹೇಶ್ ಗೊತ್ತು, ಮುಕೇಶ್ ಗೊತ್ತು. ಆದ್ರೆ ಈ ಮಕೇಶ ಅಂದ್ರೆ ಏನಪ್ಪಾ ? ನನಗೆ ತಿಳಿದ ಮಟ್ಟಿಗೆ ತಮಿಳಿನಲ್ಲಿ "ಹ" ಪದಪ್ರಯೋಗ ಹಾಗು ಉಚ್ಛಾರ ಇಲ್ಲಾ. ಅದಕ್ಕೆ ಅವರು "ಹ" ಬದಲಾಗಿ "ಗ" ಉಪಯೋಗಿಸುತ್ತಾರೆ. ಮಹೇಶನನ್ನು "ಮಗೇಶ"ನೆಂದು ಕರೆಯುತ್ತಾರೆ. ಆದರೂ ಇಲ್ಲಿ ಈ ಹೆಸರಿನಲ್ಲಿ ಸ್ವಲ್ಪ ಮಿಸ್ ಹೊಡೀತ ಇದೆ. ಗೊತ್ತಿರೋರು ಬಿಡಿಸಿ ಹೇಳಬಲ್ಲಿರಾ ?


-------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ