Monday, March 31, 2008

ಇದೆಂಥಾ ಹೆಸ್ರು, ಇದ್ರ ಅರ್ಥ ಹೇಳ್ತೀರಾ ?

ರೆಸಿಡೆನ್ಸಿ ರೋಡಿನಲ್ಲಿ ಈ ಥರದ್ದು ಮಸ್ತಾಗಿ ಕಾಣ್ಸುತ್ತೆ.

ಕೆಲವು ದಿನಗಳ ಹಿಂದೆ ಈ ಸಿಟಿ ಟ್ಯಾಕ್ಸಿ ಕಣ್ಣಿಗೆ ಬಿತ್ತು, ಹಿಂದೆ ಹೆಸ್ರು ಬರ್ಕೊಂಡಿದ್ದ. ಅದೇನು ಹೆಸ್ರೋ ನಂಗಂತೂ ಗೊತ್ತಾಗ್ತಾ ಇಲ್ಲಾ, ನೀವಾದ್ರೂ ಹೇಳ್ತೀರಾ ?




--------------------------------------------------------------------

ನಿಮ್ಮವನು,
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೨

ಆಟೋ ಅಣಿಮುತ್ತುಗಳು, ಇನ್ನೂ ಕೆಲವು. ನೋಡಿ.

ನಿನ್ನೆ, ಭಾನುವಾರ ಸಂಜೆ ನಾನು ನನ್ನ ಹಾಫ್ ಶರ್ಟ್ (ಅರ್ಧಾಂಗಿ) ಮಲ್ಲೇಶ್ವರಂ ಕಡೆ ಹೊರಟಿದ್ವಿ, ದಾರಿಯಲ್ಲಿ ಈ ಆಟೋ ನಿಂತಿತ್ತು. ಲಿರಿಕ್ಸು ನೋಡಿ ನಾನಂತೂ ಫುಲ್ಲ್ ಫಿದಾ ಆಗೋದೆ. ಗಾಡಿ ತಕ್ಷಣ ನಿಲ್ಸಿ, ನಮ್ಮ ಹಾಫ್ ಶರ್ಟನ್ನು ಗಾಡಿ ಹಿಡ್ಕೊ ಅಂತ ಹೇಳಿ, ಹೋಗಿ ಕ್ಲಿಕ್ಕಿಸಿಕೊಂಡು ಬಂದೆ. ನೋಡಿ, ಎಂಜಾಯ್ ಮಾಡಿ.

ಸರಿಯಾಗಿ ಕಾಣದಿದ್ರೆ ಇಲ್ಲಿ ಓದಿ

"ಲವ್ ಮಾಡಿದ್ರೆ ರೊಮಾನ್ಸ್, ಕೈ ಕೊಟ್ರೆ ನಿಮಾನ್ಸ್"
--------------------------------------------------------

ಇನ್ನೊಂದು ನೋಡಿ.. ಯಾರೋ ಭಯಂಕರ ದರ್ಶನ್ ಫ್ಯಾನ್ ಇರಬೇಕು. ವರ, ಶಾಪ ಎಲ್ಲಾ ಕೊಟ್ಟು ಇಟ್ಟಿದಾನೆ, ಆಟೋ ಹಿಂದೆ.
ಇದು ನನ್ನ ಕಣ್ಣಿಗೆ ಬಿದ್ದದ್ದು, ರೆಸಿಡೆನ್ಸಿ ರೋಡಿನ ಬಳಿ. ಟ್ರಾಫಿಕ್ ಸಿಗ್ನಲ್ಲಲ್ಲಿ ಕಾಯ್ತಾ ಇರಬೇಕಾದ್ರೆ, ಕಣ್ಣಿಗೆ ಬಿತ್ತು, ಯಥಾ ಪ್ರಕಾರ ಓಡಿ ಹೋಗಿ ಕ್ಲಿಕ್ಕಿಸಿಕೊಂಡು ಬಂದೆ. ಹೆಂಗಿದೆ ?

--------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

Thursday, March 27, 2008

ರಿಯಲ್ ಎಸ್ಟೇಟ್ ಮಾಲೀಕರು ರಾಜಕಾರಣಕ್ಕೆ

ನಿನ್ನೆ ರಾತ್ರಿ ಊಟ ಆದ್ಮೇಲೆ, ಹಂಗೇ ಟೀವಿ ಚಾನೆಲುಗಳಲ್ಲಿ ಅಡ್ದಾಡುತ್ತಿದ್ದೆ. ಕನ್ನಡ ನ್ಯೂಸ್ ವಾಹಿನಿಯಾದ "TV9" ನಲ್ಲಿ ಬ್ರೇಕಿಂಗ್ ನ್ಯೂಸ್ ಅಂತಾ ಈ ವಿಷಯ ಬರ್ತಾ ಇತ್ತು "ರಿಯಲ್ ಎಸ್ಟೇಟ್ ಮಾಲಿಕರು ರಾಜಕಾರಣಕ್ಕೆ". ಜೀವ ಧಗ್ ಅಂತು ಒಂದು ಕ್ಷಣ.
ಅಲ್ಲಾ ಸ್ವಾಮಿ, ರಿಯಲ್ ಎಸ್ಟೇಟ್ ಧಂದೆಯವರು ಅಪ್ಪಟ ವ್ಯಾಪಾರಸ್ಥರು, ಇನ್ನು ಅವರುಗಳು ರಾಜಕಾರಣಕ್ಕೆ ಎಂಟ್ರಿ ಹಾಕಿದ್ರೆ ಏನ್ ಗತಿ ?
.
ಮೊದ್ಲೇ ನಮ್ಮ ರಾಜ್ಯ ರಾಜಕಾರಣವು ಅತಿಯಾದ ಭ್ರಷ್ಟಾಚಾರ, ಅನೈತಿಕತೆ ಮುಂತಾದವುಗಳಿಂದ ಎಕ್ಕುಟ್ಟೋಗಿದೆ, ಅದ್ರ ಮೇಲೆ ಇಂಥ ಅಪ್ಪಟ ವ್ಯಾಪಾರಿಗಳು ಬಂದ್ರೆ ಏನ್ ಗತಿ ಅಂತ ?
.
ಈಗಾಗ್ಲೇ ಈ ರಿಯಲ್ ಎಸ್ಟೇಟ್ ದಂಧೆಯವರು ತಮ್ಮ ಹಣ, ಜನ ವಶೀಲಿಯಿಂದ ಸಾಕಷ್ಟು ಡ್ಯಾಮೇಜ್ ಮಾಡಿದಾರೆ. ಬೆಂಗಳೂರಿನಲ್ಲಿ ಎಷ್ಟೋ ಭೂಮಿಯನ್ನು ಅತಿಕ್ರಮಿಸಿ, ಕೆರೆಗಳನ್ನು ಮುಚ್ಹಿಹಾಕಿ, ಕಾಲುವೆಗಳನ್ನು ಬಂದ್ ಮಾಡಿ, ಅದರ ಮೇಲೆ ನಿವೇಶನಗಳನ್ನು ಮಾಡಿ, ಮಾರಿ ಹಣ ಮಾಡಿದ್ದಾರೆ. ಅದರ ಕಾರಣದಿಂದಲೇ ಕಳೆದ ವರ್ಷ ಮಳೆ ಬಂದು, ಸುಮಾರು ಈ ತೆರನಾದ ನಿವೇಶನಗಳಲ್ಲಿ ನೀರು ನುಗ್ಗಿ, ಜನರದ್ದು ನಾಯಿಪಾಡಾಗಿತ್ತು. ಇನ್ನು ಇವರುಗಳೇ ಸೈಟು, ಫ್ಲಾಟು, ಮನೆಗಳ ದರವನ್ನು ಸಿಕ್ಕಪಟ್ಟೆ ಏರಿಸಿ, ಬೆಂಗಳೂರಲ್ಲಿ ಒಬ್ಬ ಸಾಮಾನ್ಯ ಮಧ್ಯಮ ವರ್ಗದವನಿಗೆ ಒಂದು ಮನೆ ಮಾಡಿಕೊಳ್ಳದೇ ಇರೋ ಹಾಗೆ ಮಾಡಿದ್ದಾರೆ.
.
ಇನ್ನು ಹಾರ್ಸ್ ಟ್ರೇಡಿಂಗ್ (horse trading) ಅಂತಾರಲ್ಲ, ಅದೂ ಕೂಡಾ ಜಾಸ್ತಿ ಆಗುತ್ತೇನೋ ಅನ್ಸುತ್ತೆ. ಪ್ರಿಯ ಮಿತ್ರರೆ, ನಮ್ಮ ದೇಶದಲ್ಲಿ ಯಾವುದೇ ವಿದ್ಯಾರ್ಹತೆ ಇಲ್ಲದೆ ನುಗ್ಗಬಹುದಾದಂಥದ್ದು ಅಂದರೆ ರಾಜಕೀಯ. ಈಗಾಗಲೇ ಕೊಲೆಗಡುಕರು, ಮಾಫಿಯಾದವರು, ದೋ ನಂಬರ್ ದಂಧೆಯವರು, ಇದರಲ್ಲಿ ಬಂದು ರಾಜಕೀಯದಲ್ಲಿ ನೈತಿಕತೆಯ ಅದಃಪತನಕ್ಕೆ ಕಾರಣವಾಗಿದೆ. ಇನ್ನು ಏನ್ ಏನ್ ನೋಡ್ಬೇಕೋ..
.
ಶ್ರೀಮದ್ ರಮಾರಮಣ ಗೋವಿಂದಾ.... ಗೋವಿಂದಾ
-----------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

Tuesday, March 25, 2008

ಸೋಮಾರಿ ಕಟ್ಟೆ ಪುರಾಣ

ಸೇಟು...ಮೂರ್ರಲ್ ಆರ್ ಟೀ ೨ ಕಿಂಗು ಒಂದ್ ವಿಲ್ಸು..ಟೀ ಸ್ಟ್ರಾಂಗ್ ಇರ್ಲಮ್ಮಾ, ಬೇಗ ಕಳ್ಸು..
ಹೀಗೆ ಅಪ್ಪಣೆ ಕೊಟ್ಟು, ಟೀ ಅಂಗಡಿಯ ಪಕ್ಕದಲ್ಲಿ ಇರೋ ಕಟ್ಟೆ ಮೇಲೆ 6 ಮಂದಿಯ ಪೀಠಾರೋಹಣ. ಈ ಥರಾ ಆ ಸೇಟು ಅಂಗಡೀಲಿ ಅದೆಷ್ಟು ಮ್ಯಾನ್ ಅವರ್ಸ್ (Man Hours) ಹಾಳು ಮಾಡಿದೀವೋ, ಸೇಟು ಹತ್ರಾ ಅದೆಷ್ಟು ಬಿಸಿ ನೀರನ್ನ ಟೀ ರೂಪದಲ್ಲಿ ಕುಡ್ದಿದೀವೋ, ಆ ದೇವರಿಗೇ ಗೊತ್ತು.
ಮೋಸ್ಟ್ಲಿ, ಅವನಿಗೆ ಕೊಟ್ಟ ವ್ಯಾಪಾರದ ದುಡ್ಡನ್ನ ಲೆಕ್ಕ ಹಾಕುದ್ರೆ, ಆರಾಮಾಗಿ ಒಂದು ಸೆಕೆಂಡ್ ಹ್ಯಾಂಡ್ ಕಾರ್ ತಗೋಬೋದಿತ್ತೋ ಏನೋ ??
ಸಾಯಂಕಾಲ 6:00ಕ್ಕೆ ಸರಿಯಾಗಿ ಮನೆಯಿಂದ ಹೋರಡೋದು...ಕಾಫಿ ಕುಡ್ಕೊಂಡು ಹೋಗೋ ಅಂತ ಅಮ್ಮ ಕೂಗ್ತಾ ಇದ್ರೂ ಹಂಗೆ ಬೈಕಿಗೆ ಒದ್ದು (ಕೊನೆ 2 ವರ್ಷ ಮಾತ್ರ ಬೈಕು,ಅದಕ್ಕೆ ಮುಂಚೆ ಲೂನಾ, ಅದಕ್ಕೂ ಮುಂಚೆ ಸೈಕಲ್) ಬುರ್ರ್ ಅಂತ ಹೊರಟರೆ, ಗಾಡಿ ನಿಲ್ಲುತ್ತಿದ್ದು ನಮ್ಮ ಕಟ್ಟೆಯಲ್ಲೇ.. ನಮ್ಮ ಕಟ್ಟೆ ನಮ್ಮೆಲ್ಲರ ಜೀವನದ ಪ್ರಮುಖ ಘಟ್ಟಗಳಿಗೆ ಸಾಕ್ಷಿಯಾಗಿದೆ, ಹಾಗೆ ಆ ಕಟ್ಟೆಯ ಘಟ್ಟಗಳಿಗೆ ನಾವು ಕೂಡಾ ಸಾಕ್ಷಿಯಾಗಿದೀವಿ.
ಕಟ್ಟೆ ಅಂದ್ರೆ ಸಾಕಾ ?? ಅದಕ್ಕೊಂದು ಹೆಸ್ರು ಬೇಡ್ವಾ ?? ಅದರ ಹೆಸ್ರು "ರಾಂದೇವ್ ಟೀ ಸ್ಟಾಲ್".
ಓರ್ವ ರಾಜಾಸ್ಥಾನಿ ಮಾರ್ವಾಡಿ (ಸೇಟು) ಇಟ್ಟಿರುವ ಟೀ ಅಂಗಡಿ ಅದು.
ಆ ಕಟ್ಟೆಯಲ್ಲಿ ನಾವು ಕೂರಕ್ಕೆ ಶುರು ಮಾಡಿ 12-14 ವರ್ಷಗಳಾಗಿದೆ ಅನ್ಸುತ್ತೆ. ಆ ಟೀ ಅಂಗಡಿ. ಸಾರಿ ಸಾರಿ ನಮ್ಮ ಕಟ್ಟೆ ಇವಾಗ ಇರೋಥರಾ ಇರ್ಲಿಲ್ಲಾ. ಒಂದು ಸಣ್ಣ 4x6 ರೂಮಲ್ಲಿ ಟೀ ಮಾಡಿ ಮಾರುತ್ತಾ ಇದ್ದ ಆ ಮಾರ್ವಾಡಿ. ನಮಗಿಂತಾ ಮುಂಚೆ ಜನ ಅಲ್ಲಿ ಬರ್ತಾ ಇದ್ರು, ಟೀ ಕುಡಿದು ಹೋಗೋರು. ಆದ್ರೆ, ಅಲ್ಲಿ ಕೂತು ಟೈಂಪಾಸ್ ಮಾಡಬಹುದು ಎಂದು ತೋರಿಸಿದ್ದೇ ನಾವು ಅನ್ಸುತ್ತೆ. ಆಮೇಲೆ ಕಟ್ಟೆಯ ಸ್ವರೂಪವೇ ಬದಲಾಯಿತು. ಎದುರುಗಡೆ ಇದ್ದ ಸ್ವಲ್ಪ ದೊಡ್ಡ ಅಂಗಡಿಗೆ ಶಿಫ್ಟ್ ಮಾಡಿದ, ಜನ ಜಾಸ್ತಿ ಬರತೊಡಗಿದ್ರು, ಹಾಗೇ ಕೂಡಾ ಗ"ಟ್ಟೀ" ಇದ್ದ ಟೀ, ನೀರ್"ಟೀ" ಆಗಕ್ಕೆ ಶುರು ಆಯ್ತು.. ಹಂಗೇ ಕೂಡಾ ಸೇಟು ಒಂದು ತಗಡು ಲೂನಾ ಓಡುಸ್ಕೊಂಡು ಬರ್ತಾಇದ್ದಾಗಿಂದ ಹಿಡಿದು, ಇವಾಗ ಬರೋ ಬಜಾಜ್ ಡಿಸ್ಕವರ್ ತನಕ ನೋಡಿದ್ದೀವಿ.
ಹಾಗೇ ಆ ಹಳೇ ಲೂನಾದಲ್ಲಿ ಒಂದ್ಸಲ ಹಂದಿಗೆ ಗುದ್ದಿ, ಅದನ್ನ ಮಾರೋಕ್ಕೆ ಶತಪ್ರಯತ್ನ ಮಾಡಿದ್ದೂ ಕೂಡಾ ನೆನಪಿದೆ.
ನಮ್ಮ ಕಟ್ಟೆ ಬಳಗದ ಎಲ್ರಿಗೂ ಒಂದು (ಒಂದಕ್ಕಿಂತ ಜಾಸ್ತಿ ಕೂಡಾ ಇರುತ್ತೆ) ಅಡ್ಡ ಹೆಸರುಗಳು.....ಆ ಸೇಟು ಕೂಡಾ ಅಡ್ಡ ಹೆಸ್ರನ್ನೇ ಇಟ್ಟು ಕರಿಯೋದು.
"ಬಾಂಡು, ನಿನ್ನ ಅಕೌಂಟು ಜಾಸ್ತಿ ಆಗಿದೆ..ಯಾವಾಗ ಕಾಸು ಕೊಡ್ತ್ಯಾ??" ,
"ಕಾಂತ, ನಿನ್ನ ಕೇಳ್ಕೊಂಡು ಬೋಂಡ ಬಂದಿದ್ದ",
"ಇವಾಗ ಗೆಡ್ಡೆ ಆಕಡೆ ಹೋದ, 5 ಮಿನಿಟ್ ಬರ್ತಾನಂತೆ"...
ಹೀಗೆ ಸೇಟು ನಮಗಾಗಿ MESSENGER ಥರಾ ಕೆಲ್ಸ ಮಾಡ್ತಾನೆ..
ಇನ್ನು ಆಡ್ಡ ಹೆಸರುಗಳೋ..ಒಂದೊಂದೂ ವಿಚಿತ್ರ ...
ಶ್ರೀನಿವಾಸ - ಬಾಂಡು, ಕಜ್ಜಿ, ಕ್ವಾಷ್ಟ, ಬಿಟ್ಟಿ
ಹರೀಶ - ಗೆಡ್ಡೆ, ಮುದಿಯ, ಚಪ್ಲಿ ಕಳ್ಲ, ಪಾತ್ರೆ ಪಾಲಿಶ್
ಪ್ರಸಾದ (ನಾನೇ) - ಬೋಂಡ, ಪಿಟೀಲು
ಹೆಗಡೆ - ಕರಡಿ
ಕಿರಣ - ಕುಂಡ (ಕುರುಡ)
ಶ್ರೀಕಾಂತ - ಕಾಂತ, ಕೋತಿ ಟೋಪನ್
ಬಸವರಾಜ್ - ಸ್ಟಾರು
ಚಂದ್ರು - ಕುಳ್ಳ ನಂಜುಂಡ - ಮಾಮ
ನಂಜುಂಡ್ ಸ್ಯಾಮುಯೆಲ್ಸ್, ಒಂಭತ್ತು
ಮಹೇಂದ್ರ - ಸ್ಲೋ RAM (ಸಿಕ್ಕಪಟ್ಟೆ ಸ್ಲೋ ಮನುಷ್ಯ.. 16MB RAM ಥರಾ)
ಅಭಿ - ಡಕ್ಕಿ, ಮೊಟ್ಟೆ
ಮಂಜುನಾಥ - ಪೀಟ್ರು
ಇವೇ, ಖಾಯಂ ಸದಸ್ಯರುಗಳ ಅಡ್ಡ ಹೆಸರುಗಳು.
ಎಲ್ಲರೂ ಸೇರಿರುವಾಗ ನಿಜಕ್ಕೂ ಟೈಂಪಾಸ್ ಆಗೋದು ಗೊತ್ತೇ ಆಗೊಲ್ಲಾ..ಇನ್ನು ಮಾತಾಡೋ ವಿಷಯಗಳೋ, ಅಬ್ಬಬ್ಬಾ, ಸಂನ್ಯಾಸಿಯಿಂದ ಸೂಳೆ ತನಕ ಎಲ್ಲಾ ಕವರ್ ಆಗತ್ತೆ..
ಇನ್ನು ಇದ್ರ ಬಗ್ಗೆ ಬರೀತಾ ಕೂತ್ರೆ, ಮಹಾಭಾರತ ಥರ ಮಹಾ ಗ್ರಂಥನೇ ಆಗುತ್ತೆ ಅನ್ಸತ್ತೆ..
ಆದ್ರೂ ಯಾಕೋ ಇತ್ತೀಚಿಗೆ ಎಲ್ಲರ ಜೊತೆ ಬೆರೆಯೋದು ಕಮ್ಮಿ ಆಗ್ತಾ ಇದೆ. ಹೊಟ್ಟೆಪಾಡಿಗಾಗಿ ಊರು ಬಿಟ್ಟು, ಬೆಂಗಳೂರು ಸೇರಿ, 15ದಿನಕ್ಕೊಮ್ಮೆಯೋ, ತಿಂಗಳಿಗೊಮ್ಮೆಯೋ ಭೇಟಿ.
ಕಟ್ಟೆ ಹುಡುಗರೂ ಯುವಕರಾಗಿದ್ದಾರೆ, ಒಬ್ಬೊಬ್ಬರಾಗಿ ಮದ್ವೆ ಆಗ್ತಾ ಇದಾರೆ. ಆಗ್ಲೇಬೇಕಲ್ವಾ ? ಬದಲಾವಣೆಯೇ ಜೀವನ..
ಮಿಕ್ಕಿದ್ದು ಇನ್ನೊಮ್ಮೆ..
ನಿಮ್ಮವನು,
ಕಟ್ಟೆ ಶಂಕ್ರ

Monday, March 17, 2008

ಕಿರಿಕ್ಕು ಟ್ರಾಫಿಕ್ಕು

ಬೆಂಗಳೂರು ಮಹಾನಗರ...ದಿನಾಲು ಬೆಳಿಗ್ಗೆ ಕೆಲ್ಸಕ್ಕೆ ಹೊರಡೋದೇ ತಲೆನೋವು.

2 ವ್ಹೀಲರ್ ಆಗ್ಲಿ, 4 ವ್ಹೀಲರ್ ಆಗ್ಲಿ, ತಲೆಬಿಸಿ..ನಾನು ನನ್ನ ಬೈಕಿನಲ್ಲಿ ಆರ್.ಟಿ. ನಗರದಿಂದ 12 ಕಿಮೀ ದೂರದಲ್ಲಿರೋ ನಮ್ಮ ಆಫೀಸಿಗೆ ದಿನಾಲೂ ಓಡಾಡ್ತೀನಿ. ಡೈಲಿ ಒಂದಲ್ಲಾ ಒಂದು ಕಿರಿಕ್ಕು ಇದ್ದದ್ದೇ. ಆಟೋನವರದ್ದು ಆಗ್ಲಿ, ಬಸ್ಸಿನವರದ್ದಾಗ್ಲಿ, ಪಾದಚಾರಿಗಳದ್ದಾಗ್ಲಿ, ಅಥವಾ, ನಮ್ಮ ಪಕ್ಕದಲ್ಲೇ ಜುಂಯ್ ಅಂಥಾ ಪಾಸ್ ಆಗೋ ದ್ವಿಚಕ್ರಿಗಳದ್ದಾಗ್ಲಿ.

ಇವತ್ತು (17-3-08 ಸೋಮವಾರ) ಆಫೀಸಿಗೆ ಬರಬೇಕಾದ್ರೆ, ಇನ್ಫೆಂಟ್ರಿ ರಸ್ತೆಯಲ್ಲಿ, ಒಂದು ಬಿಎಂಟೀಸಿ ಬಸ್ಸಿನ ಹಿಂದೆ ಬರ್ತಾ ಇದೀನಿ, ಆ ಮನುಷ್ಯನೋ, ಹಾವಿನ ಥರಾ ಜಿಗ್-ಜಾಗ್ ಓಡುಸ್ತಾ ಇದಾನೆ.. ಬಲಗಡೆಯಿಂದ ಟೇಕ್ ಓವರ್ ಮಾಡೋಣಾ ಅಂತ ಬಂದ್ರೆ, ಆ ಕಡೇನೇ ಬರ್ತಾನೆ, ಎಡಗಡೆಯಿಂದ ಮುನ್ನುಗ್ಗೋಣ ಅಂದ್ರೆ, ಪುನಃ ಆ ಕಡೆ ಬರ್ತಾನೆ. ನೋಡೋ ತನಕ ನೋಡಿ, ಸಡನ್ನಾಗಿ ಮುಂದೆ ಬಂದು, ಗಾಡಿ ನಿಲ್ಸಿ, ಅವನನ್ನೂ ನಿಲ್ಸೋ ಹಾಗೆ ಮಾಡ್ದೆ..
ತಕ್ಷಣ ಶುರು ಹಚ್ಕೊಂಡೆ, "ಬೋ ಮಗ್ನೆ, ರಸ್ತೆ ಏನ್ ನಿಮಪ್ಪಂದಾ ? ಅವಾಗ್ಲಿಂದಾ ನೋಡ್ತಾ ಇದೀನಿ, ಒಳ್ಳೇ ಹಾವಿನ್ ಥರಾ ಓಡುಸ್ತಾ ಇದ್ಯಲ್ಲೋ ಬೇವರ್ಸಿ... ಏನ್ ನಿನ್ ಬಸ್ಸು ರಸ್ತೇಲಿ ಹೋಗ್ಬೇಕಾದ್ರೆ, ಯಾರೂ ಓವರ್ಟೇಕ್ ಮಾಡ್ಬಾರ್ದಾ ??".
ಅವ್ನೂ ಕೂಡಾ "ಬೋ ಮಗ್ನೆ, ಏನೋ ನಿಂದು? ಜಾಸ್ತಿ ಮಾತಾಡ್ಬೇಡ, ಸರಿ ಇರಲ್ಲಾ..ಮುಂದೆ ಜಾಗ ಇರೋ ಹಾಗೆ ಓಡುಸ್ತೀನಿ, ನೀನ್ ಯಾರೋ ಕೇಳಕ್ಕೆ" ಅಂದವ್ನೇ, ಬಸ್ಸನ್ನ ಗೇರ್ ಗೆ ಹಾಕಿ, ಆಕ್ಸಿಲರೇಟರ್ ಒತ್ತಿ, ನಂಗೆ ಢಿಕ್ಕಿ ಹೋಡೆಯೋ ಚಮಕ್ ಕೊಡೋಥರಾ ಮಾಡಿದ.. ಅದಕ್ಕೆ ನಾನು, "ತಿ* ಮುಚ್ಕೊಂಡು ಹೋಗೋ ಬೇವರ್ಸಿ, ಗಾಡಿ ಓಡಿಸೋಕ್ಕೆ ಬಂದ್ರೆ, ಓಡ್ಸು, ಇಲ್ಲಾಂದ್ರೆ ತಿ* ಅದುಮ್ಕೋಂಡು ಮನೆಲಿ ಬಿದ್ದಿರು, ಈ ಚಮಕ್ ಎಲ್ಲಾ, ಆ ನಾರ್ಥಿಗಳ ಹತ್ರ ಇಟ್ಕೋ, ಮಗ್ನೆ ನೆಟ್ಟಗೆ ಇರಲ್ಲಾ ನಿನಯ್ಯನ್, ಮುಖ ಮೂತಿ ನೋಡ್ದೆ ಬೀಳ್ತಾವೆ...."ಅಂತ ಆವಾಜ್ ಹಾಕಿ, ಜಾಸ್ತಿ ಜಗಳ ಮಾಡಿ ಕೊಂಡ್ರೆ,ಇಡೀ ದಿನ ಖರಾಬ್ ಆಗಿ ಇರತ್ತೆ ಅನ್ಕೊಂಡು, ಹೊರ್ಟೆ..(ಇನ್ನೂ ಏನೇನೋ ಭಯಂಕರ ಮಾತುಗಳು ನಡೆದ್ವು, ಅದನ್ನೆಲ್ಲಾ ಇಲ್ಲಿ ಹಾಕಕ್ಕೆ ಆಗಲ್ಲ)

ಇದೇನು ತನ್ನ ಶೌರ್ಯದ ಬಗ್ಗೆ, ಅಥವಾ ನನ್ನ ಅತುತ್ತಮ ಬೈಗುಳ ವೊಕ್ಯಾಬುಲರಿ ಬಗ್ಗೆ ಪುಂಗ್ತಾ ಇದಾನೆ ಅನ್ಕೋಬೇಡಿ. ನಾನೊಬ್ನೇ ಅಲ್ಲಾ ಕಣ್ರೀ, ಇದು ಸಾಮಾನ್ಯವಾಗಿ ಎಲ್ರೂ ದಿನಾಗ್ಲೂ ನೋಡೋದು, ಅನುಭವಿಸೋದು ಅಷ್ಟೇನೇ. ಯಾಕೆ ? ನೀವು ಖರಾಬಾಗಿ ಟ್ರಾಫಿಕ್ಕಲ್ಲಿ ಯಾರ ಜೊತೇನೂ ಜಗಳಾ ಕಾದಿಲ್ವಾ ?? ದಿನಾ ಬೆಳಗಾದ್ರೂ ಇದೇ ಹಣೇಬರಹ...
ಯಾಕೆ ಹಿಂಗೆ ಅಂತ ಕೇಳಿ ನೋಡಿ... ಏನು ಉತ್ತರ ಸಿಗುತ್ತೆ ಗೊತ್ತಾ ? "ಅಯ್ಯೋ, ಟೆನ್ಶನ್ನು ಸ್ವಾಮಿ", "ಸರಿಯಾಗಿ ಮಾನಿಟರ್ ಮಾಡೋಕ್ಕೆ ಪೊಲೀಸರು ಇಲ್ಲಾ", "ಆಫೀಸಿಗೆ ಟೈಂ ಆಗುತ್ತೆ, ಅದಕ್ಕೆ".

ಅಲ್ಲ ಕಣ್ರೀ, ಎಲ್ಲಾನೂ ನೋಡ್ಕೊಳಕ್ಕೆ ಪೊಲೀಸ್ರೇ ಆಗ್ಬೇಕು ಅಂದ್ರೆ, ನಮ್ಮದು ಏನು ? ದಿನಾಗ್ಲೂ ಹೇಳ್ತಾರೆ, "ಬೆಂಗಳೂರು ಮಹಾನಗರದ ಟ್ರಾಫಿಕ್ ಸಮಸ್ಯೆ ನಿವಾರಿಸಲು ಅಲ್ಲಿ ಅದನ್ನು ಇಷ್ಟು ಕೋಟಿ ರೂ ಖರ್ಚಿನಲ್ಲಿ ಅಳವಡಿಸಲಾಗುತ್ತಿದೆ, ಇನ್ನಷ್ಟು ಸಿಬ್ಬಂದಿಯನ್ನು ನೇಮಿಸಲಾಗುತ್ತಿದೆ". ನಿಜವಾದ ಸಮಸ್ಯೆ ಬಗೆಹರಿಯೋದು ಜನರಲ್ಲಿ ಜಾಗೃತಿ ಮೂಡಿಸಿದಾಗ.
ಎಲ್ಲಾ ಬರೀ ರೂಲ್ಸು, ರೂಲ್ಸು ಅಂತ ಬೊಂಬ್ಡಿ ಹಾಕಿ, ಅದನ್ನ ಪಾಲಿಸೋರೇ ಇಲ್ದೆ ಇದ್ರೆ ಏನು ಬಂತು ? ಸರ್ಕಾರ ಎಷ್ಟೇ ಕೋಟಿ ಖರ್ಚು ಮಾಡಿದ್ರೂ, ಎಷ್ಟೆ ಸಿಬ್ಬಂದಿ ನೇಮಿಸಿದ್ರೂ ಕೂಡಾ ಅದು "ಹೊಳೇಲಿ ಹುಣಿಸೇಹಣ್ಣು ಕಿವುಚಿದ ಹಾಗೆ".

ಇದರ ಒಂದು ಲೈವ್ ಉದಾಹರಣೆ ಅಂದ್ರೆ, ಟ್ರಾಫಿಕ್ಕನ್ನು ಮಾನಿಟರ್ ಮಾಡಕ್ಕೆ ಇನ್ಫೆಂಟ್ರಿ ರಸ್ತೆಯ, ಕಾಫಿ ಬೋರ್ಡ್ ಪೊಲೀಸ್ ಕಮಿಷನರ್ ಆಫೀಸ್ ಜಂಕ್ಷನ್ನಲ್ಲಿ CC TV ಕ್ಯಾಮೆರಾಗಳನ್ನು ಅಳವಡಿಸಲಾಯಿತು. ಇವತ್ತಿನವರೆಗೂ ಅವು ಕೆಲಸ ಮಾಡ್ತಾ ಇದ್ಯೋ ಇಲ್ವೋ ಅಂತಾ ಕೂಡಾ ಗೊತ್ತಿಲ್ಲ.. ಹಾಗೇ, ಮಾನಿಟರ್ ಎಲ್ಲಿ, ಹೇಗೆ, ಯಾರು ಮಾಡ್ತಾರೆ ಅಂತಾ ಕೂಡಾ ಗೊತ್ತಿಲ್ಲ. ಆ ತೆರನಾದ ಮಾಡ್ರನ್ ಪರಿಕರಗಳ ಪರಿಚಯ, ಕಾರ್ಯವಿಧಾನ ನಮ್ಮ ಪೊಲೀಸ್ ಪಡೆಗೆ ಇದೀಯಾ ಅಂತ ಕೂಡಾ ಡೌಟ್ ಇದೆ.

ಅವಾಗ್ಲೇ ಹೇಳಿದ ಹಾಗೆ, ಈ ಸಮಸ್ಯೆ ಬಗೆಹರಿಯೋದು ಸ್ವಲ್ಪ (ಜಾಸ್ತಿ ಸ್ವಲ್ಪ ) ಡೌಟೇ, ಆದ್ರೂ ಕೂಡಾ ಸಮಸ್ಯೆಯನ್ನ ಕಮ್ಮಿ ಮಾಡಬಹುದು. ಜನರಲ್ಲಿ ಜಾಗೃತಿ ಮುಖ್ಯ. ಈ ನಮ್ಮ ತಲೆಮಾರಲ್ಲಿ ಆಗೋದು ಭಯಂಕರ ಅನುಮಾನ ಇದೆ. ಆದ್ರೆ, ಕಡೇ ಪಕ್ಷ ನಾವು ಟ್ರಾಫಿಕ್ನಲ್ಲಿ ಪಟ್ಟ ಪಾಡು ನಮ್ಮ ಮುಂದಿನ ಪೀಳಿಗೆ ಪಡದೇ ಇರಬೇಕಾದ್ರೆ, ಮಕ್ಕಳಲ್ಲಿ ಈ ಜಾಗೃತಿ ಮೂಡಿಸಬೇಕು.
ಒಬ್ಬ ತಂದೆ, ತನ್ನ ಮಗುವನ್ನು ಗಾಡಿಯಲ್ಲಿ ಸ್ಕೂಲಿಗೆ ಕರ್ಕೊಂಡು ಹೋಗಬೇಕಾದ್ರೆ, ಟ್ರಾಫಿಕ್ ಜಾಮ್ ಅಂತಾ, ಫುಟ್ಪಾತಿನ ಮೇಲೆ ಹೋಗೋದು, ಸಿಗ್ನಲ್ ಜಂಪ್ ಮಾಡೋದು, ರಾಂಗ್ ಸೈಡಿನಲ್ಲಿ ನುಗ್ಗೋದು, ಎಡಗಡೆಯಿಂದ ಓವರ್ ಟೇಕ್ ಮಾಡೋದು, ಸುಮ್ನೆ ಎಡಗೈ ಹೆಬ್ಬೆರಳು ಗಟ್ಟಿ ಇದೆ ಅಂತ ಹಾರನ್ ಹೋಡೀತಾ ಇದ್ರೆ, ಆ ತಂದೆಯ ಜೊತೆ ಇರೋ ಮಗೂಗೆ ಏನ್ರೀ ಟ್ರಾಫಿಕ್ ಸೆನ್ಸ್ ಬರುತ್ತೆ ? ಅದೂ ಕೂಡಾ, "ಹೆಂಗಾದರೂ ಹೋದು, ಯಾವುದರ ಮೇಲಾದ್ರೂ ಹೋಗು.. ಒಟ್ಟಿನಲ್ಲಿ ನೀನು ಗಾಡಿ ಓಡುಸ್ಕೊಂಡ್ ಹೋಗು" ಅನ್ನೋ ಬುದ್ಧಿ ಕಲಿಯುತ್ತೆ. ಚಿಕ್ಕ ವಯಸ್ಸಿನಲ್ಲೇ ಈ ಥರ ಆದ್ರೆ, ದೇವರಾಣೇಗ್ಲೂ ಮುಂದೆ ಅದನ್ನು ತಿದ್ದೋಕ್ಕೆ ಆಗಲ್ಲ.
ಮಕ್ಕಳಿಂದ ಈ awareness ಶುರು ಮಾಡಿದರೆ, ಗ್ಯಾರಂಟಿ ಏನಾದ್ರೂ ಛೇಂಜ್ ಕಾಣಬಹುದು.

ದಯವಿಟ್ಟು, ಆದಷ್ಟೂ ಟ್ರಾಫಿಕ್ ನಿಯಮಗಳನ್ನು ಪಾಲಿಸಿ. ನಿಮ್ಮ ಮನೆ ಮಕ್ಕಳಿಗೆ ಟ್ರಾಫಿಕ್ ಪಾಠ, ರೂಲ್ಸು, ಕಾಮನ್ ಸೆನ್ಸು ಹೇಳಿಕೊಡಿ. ಇದು ನನ್ನ ಒಂದು ವಿನಮ್ರ ರಿಕ್ವೆಸ್ಟ್.
-------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

Thursday, March 13, 2008

ಬೆಂಗಳೂರು LINGO

ಕರ್ನಾಟಕದ ಬೇರೆ ಬೇರೆ ಜಾಗಗಳಲ್ಲಿ ಬೇರೆ ಬೇರೆ ರೀತಿಯಾಗಿ ಕನ್ನಡ ಮಾತಾಡ್ತಾರೆ.ಆದ್ರೆ, ಬೆಂಗಳೂರಲ್ಲಿ ಮಾತ್ರಾ..
ನಾನ್ ಜಾಸ್ತಿ ಹೇಳೋದಿಲ್ಲಾ.. ನೀವೇ ಓದಿ ನೋಡಿ..

Aa? ಆ ? : Universal question tag. (is it? are they? was she? shall we? etc.) Often mistaken by non - south indians as mispronunciation. When an auto driver asks you "Leftaa?" he means "Left, is it?" Variation:"na? ನಾ" used when the last sound in the question is a vowel. "Koramangala na?"

Adjushtu / ಅಡ್ಜಸ್ಟ್ ಉ: adjust. Most important word that originates from the accomodative nature of all Bangaloreans. "Solpa adjusht maadi shiva."
"Sir one more banana buying means it will adjusht within 10 rupees."
"Sir traffic signal jump fine kodi." "Urgent ithu saar, solpa adjusht maadi"


Adu bere / ಅದು ಬೇರೆ: That also. (That was all I needed). "Adu bere kedu"

AJM / ಅ**ನ್ ಜಸ್ಟ್ ಮಿಸ್ಸು: Short for Akkan Jusht Missu (Lit: Elder Sister just missed) 1.Minor disappointment 2. Narrow escape. "Aye ticket siktheno?" "Illa lo, AJM agoythu." Do not use in polite company!

Bekitha / ಬೇಕಿತ್ತಾ ?: Was this required? A sort of "I told you so". "Boss, idu bekitha antha."

Bombat / ಬೊಂಬಾಟ್ : Fantastic, excellent. "Aye hows your car doing?" "Oh bombattagide kanla."
Boss / ಬಾಸ್ : Term of address. Used to call friends, auto drivers, waiters, conductors etc. Should not be used much aside from among friends. "Boss, one gobi manchuri dry."

Budding / ಬಡ್ದಿಂಗ್ : Short for Brigade road Up and Down. bangalore's most popular pastime.

(Also Mudding - MG road Up and Down)

Byawarsi / ಬ್ಯಾವರ್ಸಿ (ಬೇವರ್ಸಿ ಪದದ ಇನ್ನೊಂದು ರೂಪ): Lit: heirless. Useless, vagabond, ne'er do well. "Aye thoo byawarsi, sumne iro"

Chindi / ಚಿಂದಿ : Lit : Torn piece of cloth. Fantastic, fabulous

Chitranna / ಚಿತ್ರಾನ್ನ : Lit: flavoured rice. (1) Fantastic job (2)Broken to bits (3) Badly botched job. "Sariyag madthini anth helbittu full chitranna maad haakidaane nodri."

Da / ಡ : Term of address for friends, inferiors or younger people (borrowed from tamil). Rude when used in a non affectionate sense or with strangers. Fem: di. "What da, where y'all went yesterday?"

Deal (Dealu) / ಡೀಲು : Nefarious activity. "Yeno deal maadthaane maga"

Escape (Escapu) / ಎಸ್ಕೇಪು : General departure. "Naan oota maadbit escape aagtheno, don't mind aitha?" Free kotre phenoylu kudithaane : Lit: If its free, he'll even drink phenoyl. Curmudgeon, compulsively economical person.

Goobe / ಗೂಬೆ : Lit: Owl. Stupid person. "Lei goobe, yaar ninge license kottiddu?"

Goodhlu / ಗೂದ್ಲು : Scam. "India nalli education fullu goodhlu boss."

Gumpal Govinda / ಗುಂಪಲ್ ಗೋವಿಂದ : Lit: Govinda in the group. To blend into the crowd. "I have gone gumpal govinda to see movie"

Guru / ಗುರೂ: Lit: teacher. Also used jokingly to call a friend. "Yen guru, aaraam aa?"

Gubbal / ಗುಬಾಲ್ or ಗುಬ್ಬಾಲ್ : Dumbass "Loose nan maga gubbal thara aadbeda lei."

Hawa / ಹವಾ : Lit: Air. To scare someone. "Full hawa itbitte aa loafer ge innond sali illige barodilla"

Hengaithe myge? / ಹೆಂಗೈತೆ ಮೈಗೆ ? : Lit: How does your body feel now? i.e, Im going to beat you black and blue. "Yendande? Dhuddilvaa? Yengythe myge?"

Hinde inda Urvashi, Munde inda Bevarsi / ಹಿಂದೆ ಇಂದ ಊರ್ವಶಿ, ಮುಂದಿನಿಂದ ಬೇವರ್ಸಿ : Looks like the celestial nymph Urvashi from the back but a vagabond from the front.

Jai / ಜೈ : With enthusiasm. "Naan jai antha hog koothkonde alli". "I went off to college jai antha"

Kachko / ಕಚ್ಕೋ: Get stuck. "Sorry maga naan traffic nal kachkondiddene"

Kanjipinji / ಕಾಂಜಿ ಪೀಂಜಿ : Meretricious object/activity. "Why you're making so much fuss for one kanjipinji job boss"

Kuyyi / ಕುಯ್ಯಿ: To lie, to bore. "Kui beda maga."

Loafer / ಲೋಫರ್ or ಲೋಪರ್ : Vagabond, flibbertygibbet. "Thoo loafer, get out I say."

Macha (tam) / ಮಚ್ಚಾ (ತಮಿಳು ಪದ) : Lit: Brother in law. Used commonly among friends, though not in polite society. "What da machaaa, not coming uh?"

Maga / ಮಗಾ : Lit: son. Dude. "yeno magaa, yellidde isht divsaa?"

Mane haaLu / ಮನೆ ಹಾಳು : Lit: Ruiner of a household. Use to describe expensive things, and people who don't act in your good interests. "Mane haal maadbeda", "Aiyo mane haaLa, ningen bantho roga"
Maneyalli hel bandya? / ಮನೇಲಿ ಹೇಳಿ ಬಂದಿದ್ಯಾ ? : Used for reckless drivers Lit: Did you tell the people at home? (ie, have you informed your family that they have to make arrangements for your funeral?)

Meetru / ಮೀಟ್ರು : Lit: (autorickshaw) Meter. Gumption/cheek. "Yeno, eshto ning meetru?"

Mishtik / ಮಿಷ್ಟಿಕ್ : Lit: Mistake. Used for errors, leave, illnesses, sudden departures, misunderstandings, deletions, etc. "Yeno nenne officege mishtik aa?" "Haudo, nenne mai mishtik aagithu. Yake, manager yenadru andra?" "Yenantharappa avaru. Full mishtik aagbittu solpa hothu kirchaadidru. Aamele full scope itkond ondu dodda mail kalsidru.

Adhara bagge yaak sumne thale mishtik maadskobeku antha odhdhe mishtik maadbitte." "Thoo manager emails na yaako mishtik maadthya? Adhe neen maado dodda mishtikku. Eega avaru nin mele mishtik aagthaare. Matte neen mishtik maadkolthya. Full situationey mishtik aagoguththe."

Naayi Paadu / ನಾಯಿ ಪಾಡು : Lit: Dog's work. "Nanage yaake ee naayi paadu?"

Nan maga / ನನ್ಮಗ : Lit: My son (ie son of). Usually used in conjunction with some other word. "Thoo, waste nan maga he is". Not a polite phrase at all. Has complicated undertones. Use only among close friends.

Nimmajji or Ninnajji / ನಿಮ್ಮಜ್ಜಿ or ನಿನ್ನಜ್ಜಿ : Lit: Your grandmother. Another phrase that has hidden meanings. Do not use in polite society.

Off / ಆಫು : Transliteration from the kannada "bidu" : "I came off quickly" (Naan bega band bitte). "I sat off there only." (Naan alle koothkond
bitte)

Oh what a. : General exclamation. "You won lottery aa? Oh what a!"

Ooshtu / ಊಶ್ತು : Prob from the english Oust. Exhausted. "4 ghante basket baal aadbit full ooshtaagbitte."

Osi jeevana Janma pavana / ಓಸಿ ಜೀವನ, ಜನ್ಮ ಪಾವನ : Pile on (Lit: Free life, happy existence).

Pigaru / ಫಿಗರ್ರು or ಪಿಗರ್ರು or ಪಿಗರು : Figure. (girl) "Machaa, aa piagar nodo!"

Pitilu / ಪಿಟೀಲು : Lit: Fiddle (violin). Braggart. "Avan bidu. Bejaan pitil aadthirthaane."

Saavu / ಸಾವು : Lit: Death. Terrible or Awesome as per context. "Boss that movie was saavu only".

Raiyya / ರೈಯ್ಯ : From the English "Right" (used by bus conductors after passengers have got off or on at a bus stop). To leave/depart. "Boss picture mugdid takshna naan mane tava raiyya."

Scopu / ಸ್ಕೋಪು : Yap/boast "Lei, sum sumne scope thagobeda"

Simp-simply / ಸಿಂ-ಸಿಂಪ್ಲಿ : Translated from the kannada sum-sumne. For no reason at all. "Aye don't simp-simply come and dishtrub me I say."

Sisyaa / ಸಿಸ್ಯಾ : Lit: Student. Patronizing term of address to a friend.
"Sisya, ba illi, koothko."

Siwaa / ಸಿವಾ or ಶಿವಾ : Lit: Shiva. Another term for dude. "Alla siwaa, naan en helthene andre...."

Suryanige torchaa? / ಸೂರ್ಯಂಗೇ ಟಾರ್ಚಾ ? : Lit: Are you shining a torch to the sun? "Boss are you teaching him kannada badwords? Suryange torchaa?"

Uh? / ಊಹ್ ?: The anglicized version of "aa?" above. Usually blends into last syllable of the previous word unless it is a vowel. "What daa, didn't go to college juh?" "Not well, luh?" "Wont come tomorrow also vuh?" "Watching movie yuh?"

Yaar nin chair na alladsidru? / ಯಾರ್ ನಿನ್ ಚೇರ್ ಅಲ್ಲಾಡಿಸಿದ್ದು ? : Lit: Who shook your chair? Why are you so perturbed?

--------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಮಿತ್ರ ಅವಿನಾಶ್ ಕಳ್ಸಿದ್ದು

ಏನು ಅಂತಾ ಅರ್ಥ ಆದ್ರೆ, ನಂಗೂ ಸ್ವಲ್ಪ ಹೇಳ್ರೀ

ನಿನ್ನೆ ರಾತ್ರಿ ಆಫೀಸಿಂದ ಮನೆಗೆ ಹೋಗಬೇಕಾದ್ರೆ, ಟೀವಿ ಟವರ್ ಹತ್ರ ಒಂದು ಆಟೋ ನನ್ನ ಮುಂದೆ ಪಾಸ್ ಆಯ್ತು, ಹಿಂದೆ ನೋಡುದ್ರೆ ಈ ಥರ ಲಿರಿಕ್ಸು... ಸೂಂಯ್ ಅಂಥ ಮೊಬೈಲ್ ಹೊರ ತೆಗೆದು, ಟಪಕ್ ಅಂತ ಫೋಟೋ ತೆಕ್ಕೊಂಡೆ.ಇದರ ಅರ್ಥ ಏನು ಅಂಥ ನಿಮಗೆ ಗೊತ್ತಿದ್ರೆ, ದಯವಿಟ್ಟು ತಿಳ್ಸಿ.. ಬಹಳ ಉಪಕಾರ ಆಗುತ್ತೆ..



-------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

Wednesday, March 12, 2008

ಒಂದು ಸೂಪರ್ರಾಗಿರೋ ಹಳೇ ಜೋಕು

ಇವತ್ತು ಬೆಳಿಗ್ಗೆ ನನ್ನ ಫ್ರೆಂಡ್ ಅವಿನಾಶ್ ಪದಕಿ ಒಂದು ಮೈಲ್ ಕಳ್ಸಿದ್ದ..

ಅದ್ರಲ್ಲಿ ಇದ್ದ ಜೋಕು ಓದಿ, ನಾನು ಸುಮಾರು ೪ ವರ್ಷದ ಮುಂಚೆ ನಾನಿದ್ದ ಹಳೇ ಕಂಪೆನಿಯಲ್ಲಿ ನಾನು ಮಾಡಿದ್ದ ಒಂದು ಕೆಲ್ಸ ನೆನಪಾಯ್ತು.

ಒಂದು ಒಳ್ಳೆ ಜೋಕನ್ನ ಯಾರೋ ಕಳ್ಸಿದ್ರು. ಅದು ಒಂಥರಾ ಚೆನ್ನಾಗಿರೋದೇ.

ಅವಾಗಿನ್ನು ಈ "ಔಟ್ಲುಕ್ಕು" ಅದೆಲ್ಲ ಹೊಸದು ನನಗೆ. ಹೊಸಾ ಮೇಲ್ ಬಂದ್ರೆ ಸಾಕು, ಅದನ್ನ್ ಓದಿ, "ಫಾರ್ವರ್ಡ್" ಮಾಡುದ್ರೆ ಏನೋ ಒಂದು ಕೃತಾರ್ಥ ಭಾವನೆ, ಜನ್ಮ ಸಾರ್ಥಕ ಆದ ಹಾಗೆ.

ಆ ಕಂಪನಿಯಲ್ಲಿ ಒಂದು ಈ-ಮೇಲ್ ಐಡಿ ಇತ್ತು, ಅದಕ್ಕೆ ಕಳ್ಸುದ್ರೆ, ಇಡೀ ಕಂಪನಿಯಲ್ಲಿ ಎಲ್ರಿಗೂ ತಲುಪ್ತಾ ಇತ್ತು..
"newton@ನನ್ನ ಹಳೇ ಕಂಪನಿ.com" ಇದೆ ಆ ಅಡ್ರೆಸ್ಸು.

ಆ ಜೋಕನ್ನ ಸರಿ ಎಲ್ರೂ ಓದಲಿ ಅಂತಾ ಫಾರ್ವರ್ಡ್ ಮಾಡಿದೆ... ಅದು ಏನು ಅಂಥಾ ದೊಡ್ಡ ಮೇಲ್ ಏನೂ ಅಲ್ಲಾ, ಅಬ್ಬಬ್ಬಾ ಅಂದ್ರೆ 5KB ಅಷ್ಟೇ. ಅದ್ರು ತಮ್ಮ ಅಥಾರಿಟಿ ತೋರುಸ್ಬೇಕಲ್ಲಾ, ಸಿಸ್ಟಂ ಅಡ್ಮಿನ್ನು, ಮಾರನೆ ದಿನಾ,ಅವನಿಂದ ನಂಗೆ ಒಂದು "ಎಚ್ಚರಿಕೆ ಅಂಚೆ" ಬಂತು...
"Dear Shankar, meet me at my desk by 11:00 AM" ಅಂತಾ...

ಸರಿ ಕಣಪ್ಪಾ, ಹಾಳಾಗ್ ಹೋಗ್ಲಿ ಅಂತ ಹೋದ್ರೆ, ಬಡ್ಡಿ ಮಗ, ದೊಡ್ಡ ಪುರಾಣ ಶುರು ಮಾಡಿದ..
"Network security, data transmission ಹಾಳಾ ಮೂಳಾ ಮಣ್ಣು ಮಸಿ"... ಹೊಡಿತಾನೆ ಇದಾನೆ...

ಅದರ ಜೊತೆ, ಕಂಪನಿ MD ಹತ್ರ ಕೂಡಾ ಕರ್ಕೊಂಡು ಹೋದಾ..
ಅವರು ಕೂಡಾ ಕೇಳಿ, ವಾರ್ನಿಂಗ್ ಕೊಟ್ರು.. ಅವರ ಕ್ಯಾಬಿನ್ ಇಂದ ಹೊರದಬೇಕಾದ್ರೆ,
"Shankar, don't send mails to 'newton@ನನ್ನ ಹಳೇ ಕಂಪನಿ.com', in future..
by the way, i liked the one which u sent..." ಅನ್ನೋದೇ ???

ಮೈ ಎಲ್ಲಾ ಉರಿದುಹೊಯ್ತು...ಸರಿ.. ಪುರಾಣ ಜಾಸ್ತಿ ಆಯ್ತು ಅನ್ಸುತ್ತೆ... ಆ ಜೋಕನ್ನ ಓದಿ ಇಲ್ಲಿ...

-------------------------------------------------------------

ಸ್ವರ್ಗದಲ್ಲಿ ಎಲ್ಲಾ ಹಳೇ ವಿಜ್ಞಾನಿಗಳು "ಐಸ್ ಪೈಸ್" ಆಡ್ತಾ ಇದ್ರು..

EINSTEIN ಪಾಪ ಔಟ್ ಆಗಿ, ಒಂದರಿಂದ ನೂರು ಎಣಿಸುತ್ತಾ ಇದ್ದ...

ನೂರಾದ ಮೇಲೆ, ಹಿಂದೆ ತಿರುಗಿ ಹುಡುಕಕ್ಕೆ ಸ್ಟಾರ್ಟ್ ಮಾಡಬೇಕು ಅನ್ನೋ ಅಷ್ಟರಲ್ಲೇ,

ಎದುರು NEWTON ನಿಂತಿದಾನೆ.. ಅದೂ 1x1 ಮೀಟರ್ ನ ಒಂದು ಚೌಕ ನೆಲದ ಮೇಲೆ ಬರೆದು, ಅದರ ಒಳಗೆ ಆರಾಮಾಗಿ ನಿಂತಿದಾನೆ..

EINSTEIN ಓದಿ ಹೋಗಿ ಅವನನ್ನು ಮುಟ್ಟಿ, NEWTON ಔಟು, NEWTON ಔಟು ಅಂತ ಕುಣಿದ..

ಆದ್ರೆ NEWTON "ನಾನು ಔಟ್ ಆಗೇ ಇಲ್ಲ" ಅಂದ...

EINSTEIN "ಹೆಂಗಪ್ಪಾ ? ನಾನೇ ನಿನ್ನ ಔಟ್ ಮಾಡಿದಿನಿ, ಸಾಧ್ಯಾನೆ ಇಲ್ಲ.. ಸುಮ್ನೆ ಮೋಸ ಮಾಡಬೇಡ ಗುರೂ ನೀನು, ಸರಿ ಇರಲ್ಲ.." ಅಂತಾ ಜಗಳ ಶುರು ಮಾಡಿದ..

ಅದಕ್ಕೆ NEWTON ಹೇಳಿದ "ನೋಡು ಗುರು, ನನು ಇವಾಗ 1x1 ಮೀಟರ್ ನ ಒಂದು ಚೌಕ (square) ನಲ್ಲಿ ನಿಂತಿದಿನಿ... So, ನಾನು ಇವಾಗ NEWTON per Square Metre...ನಿಂಗೆ PHYSICS ಗೊತ್ತಿಲ್ವಾ ?? Newton / Metre^2 = PASCAL ತಾನೆ ?
ಹಂಗಾದ್ರೆ, ನೀನು ಇವಾಗ ಔಟ್ ಮಾಡಿದ್ದು PASCAL ನ, NEWTON ನ ಅಲ್ಲಾ...ಸುಮ್ನೆ ಒಯ್ತಾ ಇರು"


----------------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

Wednesday, March 5, 2008

ದವಾಖಾನೆಗಳ ಧಮಾಲ್ ದುನಿಯಾ

ರಸ್ತೆ ಬದಿಯಲ್ಲಿ ಕಾಣುವ ದವಾಖಾನೆಗಳ ದುನಿಯಾ ನೇ ವಿಚಿತ್ರ.
ನೋಡಿ ಎಂಜಾಯ್ ಮಾಡಿ.
______________________________________

ಮೂಳೆ ಮುರಿತಕ್ಕೆ ಇಲ್ಲಿ ಒಮ್ಮೆ ಭೇಟಿ ಕೊಡಿ


______________________________________

ಇಲ್ಲಂತೂ ಸಕಲ ರೋಗಗಳಿಗೆ ಔಷಧಿ / ಪರಿಹಾರ ಸಿಗುತ್ತೆ... ಟ್ರೈ ಮಾಡ್ತೀರಾ ?



ಇಲ್ಲೂ ಸಹಾ ಅದೇ, ಸಾಕ್ಷಾತ್ ಧನ್ವಂತರಿ ನೇ ಇಲ್ಲಿ ಇರೋದು..




ಇದು ಬೇರೆನಲ್ಲಾ ಸ್ವಾಮಿ, ಉದರ ನಿಮಿತ್ತಂ ಬಹುಕೃತ ವೇಷಂ.... ಅಷ್ಟೇ

----------------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

Monday, March 3, 2008

ಬಹುಮುಖ ಪ್ರತಿಭೆ

ಇದನ್ನೇ "ಬಹುಮುಖ ಪ್ರತಿಭೆ" ಅನ್ನೋದು...
ನಿನ್ನೆ ಮಲ್ಲೇಶ್ವರಂ ನಲ್ಲಿ ನೋಡಿದ್ದು, INTERNATIONAL ಜ್ಯೋತಿಷಿ & LAND DEVELOPER.
ಒಳ್ಳೇ ಕಾಂಬಿನೇಷನ್ ಅಲ್ವಾ ??



----------------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ