Tuesday, March 29, 2011

ಆಟೋ ಅಣಿಮುತ್ತುಗಳು - ೯೮ - ನಾನು ಅವನಲ್ಲ

2009ರ ಆಗಸ್ಟ್ ತಿಂಗಳಲ್ಲಿ ಮಿತ್ರ ಗೌತಮ್ ಕಳಿಸಿದ್ದ ಚಿತ್ರ ಇದು. ರಾಮಮೂರ್ತಿನಗರದ ಮೇಲ್ಸೇತುವೆ ಬಳಿ ಕಂಡಿದ್ದಂತೆ.
ಈ ಚಿತ್ರ, ಇಷ್ಟು ದಿನ ನನ್ನ ಈ-ಮೇಲಿನ ಯಾವುದೋ ಮೂಲೆಯಲ್ಲಿ ಕುಳಿತಿತ್ತು. ಇವತ್ತು ನೋಡೋವಾಗ ಕಣ್ಣಿಗೆ ಕಂಡಿದ್ದು, ಹಾಗೆ ಹಾಕ್ತಾ ಇದೀನಿ. ಗೌತಮ್, ಥ್ಯಾಂಕ್ಸ್ ಕಣೋ.

ಈ ಆಟೋ ಅಣ್ಣ ಕೂಡಾ ಉಪೇಂದ್ರಾಭಿಮಾನಿ. ನಾನು ಅವನಲ್ಲ ಎನ್ನುತ್ತಲೇ ಪ್ರೀತಿ ಮಾಡಿದ್ರೆ ಹೆಂಗೆ, ಕೈ ಕೊಟ್ರೆ ಹೆಂಗೆ ಅನ್ನೋದನ್ನ ಹೇಳಿದ್ದಾನೆ. ನೋಡಿ.


ನಾನು ಅವನಲ್ಲ ???

ಲವ್ ಮಾಡಿದರೆ ಲವ್ ಸ್ಟೋರಿ
ಕೈ ಕೊಟ್ಟರೆ ದೇವದಾಸು ಸ್ಟೋರಿ
-----------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

Wednesday, March 9, 2011

ಆಟೋ ಅಣಿಮುತ್ತುಗಳು - ೯೭ - ಮೂರು ಚಕ್ರ ಜೀವನಚಕ್ರ

ಮೊನ್ನೆ ಸೋಮವಾರ ಕಸ್ತೂರಬಾ ರಸ್ತೆಯಲ್ಲಿ ಬೈಕಿನಲ್ಲಿ ಹೋಗುತ್ತಿದ್ದಾಗ ಕಂಡ ಆಟೋ ಇದು.

ಆರಾಮಾಗಿ ಗುಡುಗುಡುಗುಡು ಎಂದು ಹೋಗುತ್ತಿದ್ದ ಈ ಆಟೋವನ್ನು ಅದರ ವೇಗದಲ್ಲೇ ಹಿಂಬಾಲಿಸಿ, ಯು.ಬಿ ಸಿಟಿ ಸಿಗ್ನಲ್ಲಿನ್ನಲ್ಲಿ ನಿಂತಾಗ ಲಕ್ಕನೆ ಮೊಬೈಲು ಹೊರತೆಗೆದು ಛಕ್ಕನೆ ಕ್ಲಿಕ್ಕಿಸಿದೆ.

ಬಹಳ ದಿನಗಳಾದ ಮೇಲೆ ಮತ್ತೊಂದು ಆಟೋ ಅಣಿಮುತ್ತನ್ನು ಹಾಕ್ತಾ ಇದೀನಿ, ಪರಾಂಬರಿಸಿ.


ಇದಕ್ಕಿರುವುದು ಮೂರು ಚಕ್ರ
ಇದೇ ನನ್ನ ಜೀವನ ಚಕ್ರ
--------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

Tuesday, March 8, 2011

ಹೇಳಲೇ ಬೇಕು !!

ಆಕೆ : ನನಗೆ ಹೇಳು

ಆತ : ನಾನಾಗ್ಲೇ ಹೇಳಾಯ್ತು

ಆಕೆ : ಇದು ಬೇರೆ

ಆತ : ನಂಗೆ ಇನ್ನೇನು ಗೊತ್ತಿಲ್ಲಾ

ಆಕೆ : ನಿಂಗೆ ಗೊತ್ತಿರಲೇ ಬೇಕು

ಆತ : ಇಲ್ಲ, ನಂಗೆ ಗೊತ್ತಿಲ್ಲ.. ಸುಮ್ನೆ ನನ್ನ ಹೀಗೆ ಕೇಳಬೇಡ

ಆಕೆ : ನಿನಗಲ್ಲದೆ ಇನ್ಯಾರಿಗೆ ಗೊತ್ತು ?

ಆತ : ಪ್ಲೀಸ್.. ನಂಗೆ ಗೊತ್ತಿದ್ದೆಲ್ಲಾ ಹೇಳಾಯ್ತು... ಇನ್ನು ನನ್ನ ಕೈಲಿ ಆಗಲ್ಲ, ನಂಗೆ ಹೋಗೋಕ್ಕೆ ಬಿಡು

ಆಕೆ : ಪ್ಲೀಸ್, ಪ್ಲೀಸ್.. ಇನ್ನೊಂದು ಡ್ರೆಸ್ ಟ್ರೈ ಮಾಡ್ತೀನಿ, ಹೆಂಗಿದೆ ಅಂತ ಹೇಳು !!
(ಬಟ್ಟೆ ಅಂಗಡಿಯ ಟ್ರಯಲ್ ರೂಮಿನ ಬಳಿ ಆಕೆ ಮತ್ತೆ ಆತನ ನಡುವೆ ನಡೆದ ಸಂಭಾಷಣೆ )
-----------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ