ಆಟೋ ಅಣಿಮುತ್ತುಗಳು - ೯೪ - Kiss is the Key

ಕೆಲವು ದಿನಗಳ ಹಿಂದೆ, ಆಫೀಸಿಂದ ಮನೆಗೆ ಹೋಗುವಾಗ ಕೇಂಬ್ರಿಡ್ಜ್ ಲೇಔಟಿನಲ್ಲಿ ಕಂಡ ಆಟೋ ಇದು.
ಪ್ರೀತಿಯನ್ನು ಬೀಗ ಹಾಗು ಚುಂಬನವನ್ನು ಅದರ ಕೈಯೆಂದು ಹೋಲಿಸಿದ್ದಾನೆ ಈ ಅಣ್ಣ.
ಎಂಥಾ ಸೃಜನಶೀಲತೆ !!!



KISS IS THE KEY
LOVE IS THE LOCK

ದಂತಭಗ್ನವಾಗದಿದ್ದರೆ ಸಾಕು
--------------------------------------------------------
ನಿಮ್ಮವನು,.
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೯೩ - ಪ್ರೀತ್ಸೋ ಹುಡುಗರಿಗೆ

ಮೊನ್ನೆ ಗಣಪತಿ ಹಬ್ಬಕ್ಕೆ ಮೈಸೂರಿಗೆ ಹೋಗಿದ್ದಾಗ, ಅಲ್ಲಿ ಕಂಡ ಆಟೋ ಇದು.
ಈ ಅಣ್ಣ ಸಿಕ್ಕಾಪಟ್ಟೆ ಮೋಸ ಹೋಗಿದ್ದಾನೆ ಅನ್ಸುತ್ತೆ. ಅದಕ್ಕಾಗಿ ಈ ರೀತಿಯಾಗಿ ಜ್ಞಾನ ಬೋಧನೆ ಮಾಡ್ತಾ ಇದ್ದಾನೆ.


ಅತಿಯಾಗಿ ಪ್ರೀತಿಸಿದವನ ಪಾಡು
ರೆಡಿಯಾಗಿ ನೂರಕ್ನೂರು ಸುಡುಗಾಡು
(ಹೀಗೆ ಹೇಳಿದ ಮೇಲೆ "Just Joking" ಅಂತಾ ಬೇರೆ ಒಗ್ಗರಣೆ !!)

ಪ್ರೀತ್ಸೋ ಹುಡುಗರಿಗೆ ಮೋಸಾನೇ ಏತಕ್ಕೆ
ನೋಯ್ಸೋ ಹುಡುಗಿಯರಿಗೆ ಹೃದಯಾನೇ ಏತಕ್ಕೆ
--------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೯೨ - ಕುಣಿಗಲ್ ಕುದುರೆ

ಮತ್ತೊಬ್ಬ ವೇಗಿ ಆಟೋ ಅಣ್ಣ.
ಕುಣಿಗಲ್ಲಿನ ಈ ಅಣ್ಣನದು ಆಟೋ ಅಲ್ಲ, ಅಶ್ವ.
ಈ ಕುಣಿಗಲ್ ಕುದುರೆ ಹೊರಟ್ರೆ ಜಾತ್ರೆ ಅಂತೆ.. ಅಪ್ಪಿ ತಪ್ಪಿ ನಿಂತ್ರೆ ಚರಿತ್ರೆ ಅಂತೆ.
ಇದು ಇನ್ಫೆಂಟ್ರಿ ರಸ್ತೆಯ ನಮ್ಮ ಆಫೀಸಿನ ಬಳಿ ಕಂಡದ್ದು



ಕುಣಿಗಲ್ ಕುದುರೆ
ಹೊರಟ್ರೆ ಜಾತ್ರೆ...... ನಿಂತ್ರೆ ಚರಿತ್ರೆ
--------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೯೧ - ನಗುವಾಗ ನೆಂಟರು

ಈ ಆಟೋ ಅಣಿಮುತ್ತು ಕಂಡಿದ್ದು ಕೂಡ ಇಂದಿರಾನಗರದಲ್ಲೇ, ಅದೂ ಕೂಡ ESI ಆಸ್ಪತ್ರೆ ಸಿಗ್ನಲ್ಲಲ್ಲಿ.

ಈ ಅಣ್ಣ ಹೇಳಿರುವ ಮಾತಿಗೆ ಯಾರೂ ಎದುರು ಹೇಳೋಹಾಗಿಲ್ಲ.
ಈಗಿನ ಕಾಲದಲ್ಲಿ ಸ್ವಂತ ಮಕ್ಕಳು, ಕಟ್ಟಿಕೊಂಡವರು, ಒಡಹುಟ್ಟಿದವರೇ ಆಗೋಲ್ಲ, ಅಂಥದ್ರಲ್ಲಿ ನೆಂಟರು ಯಾವ ಮಹಾ ಬಿಡಿ.
ಇದು ಜೀವನದ ಕಟು ಸತ್ಯ

"ನಗುವಾಗ ಎಲ್ಲರು ನೆಂಟರು
ಅಳುವಾಗ ಯಾರು ಇಲ್ಲ"

--------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೯೦ - ಇಷ್ಟ ಪಡೋ ಹುಡುಗಿ

ಇದು ನನ್ನ ಸ್ವಂತ ತಮ್ಮ ಪೃಥ್ವಿ ಕಳಿಸಿದ ಆಟೋ ಚಿತ್ರ. ಇದನ್ನು ಎಲ್ಲಿ ಕಂಡು ಫೋಟೋ ತೆಗೆದನೋ ಗೊತ್ತಿಲ್ಲ.

ಈ ದಿನ ಬೆಳ್ಳಂಬೆಳಿಗ್ಗೆ ಈಮೆಲಿನಲ್ಲಿ ಕಳಿಸಿದ. ಥ್ಯಾಂಕ್ಸ್ ಕಣೋ ತಮ್ಮಣ್ಣ.

ಬಹಳ ನಿಜವಾದ ಮಾತು ಈ ಆಟೋ ಅಣ್ಣ ಹೇಳಿರುವುದು. ಸ್ವಾನುಭವದ ಮಾತು ಅಂತಾ ಕಾಣುತ್ತೆ.
ನಮ್ಮಲ್ಲೂ ಈ ಅನುಭವ ಆಗಿರೋ ಮಂದಿ ಬಹಳಾ ಇದಾರೆ ಅನ್ಕೋತೀನಿ. ಅಲ್ವೇ ?

ಕಣ್ಣು ಇಷ್ಟ ಪಡೋ ಹುಡುಗಿ ಜೊತೆ ನೂರು ವರ್ಷ ಬಾಳೋಕ್ಕಿಂತ

ಮನಸ್ಸು ಇಷ್ಟ ಪಡೋ ಹುಡುಗಿ ಜೊತೆ ಮೂರು ದಿನ ಮೂರು ದಿನ ಬಾಳಿದ್ರೆ ಸಾಕು

--------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಸೋಮಾರಿ ಕಟ್ಟೆಗೆ 3 ವರ್ಷ

ಜುಲೈ ತಿಂಗಳ 31ಕ್ಕೆ ಸೋಮಾರಿ ಕಟ್ಟೆಗೆ ಮೂರು ವರ್ಷ ತುಂಬಿತು.
2007ರ ಜುಲೈ ತಿಂಗಳಲ್ಲಿ ಶುರುವಾಗ ಕಟ್ಟೆ ನಿಮ್ಮ ಅಭಿಮಾನ, ಪ್ರೋತ್ಸಾಹ ಹಾಗು ತಾಳ್ಮೆಯಿಂದ ಮೂರು ವಸಂತಗಳನ್ನು ಕಂಡಿದೆ.

ಅನಂತಾನಂತ ಧನ್ಯವಾದಗಳು

--------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೮೯ - ಕಣ್ಣಲ್ಲೇ ಕರೆದರು

ಹಲಸೂರಿನ ಫ್ರಾಂಕ್ ಆಂಟೋನಿ ಶಾಲೆ ಬಳಿ ಕಂಡ ಆಟೋ ಇದು.

ಡಾರಾಜ್ ಅವರ ನಟನೆ ಬಗ್ಗೆ ನಾವೇನು ಹೇಳೋದು???



ಕಣ್ಣಲ್ಲೇ ಕರೆದರು..
ರಾಜಣ್ಣಾವ್ರು
--------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೮೮ - ಅಮ್ಮ ಅನ್ನು

ಮಿತ್ರ ಕಿರಣ್ ಹೆಗಡೆ ಕಳಿಸಿದ ಚಿತ್ರ ಇದು, ಬ್ಲಾಗಿಗರಿಗೆ ಹೇಳೋದಾದ್ರೆ
ನಮ್ಮ ವಿಕಾಸ್ ಹೆಗಡೆ ಅವರ ಅಣ್ಣನೇ ಈ ಕಿರಣ್ ಹೆಗಡೆ.
ಬಹಳ ದಿನಗಳ ಹಿಂದೆಯೇ ಇದನ್ನು ಕಳುಹಿಸಿದ್ದ, ಆದ್ರೆ ಈ-ಮೇಲಿನ ಯಾವುದೋ ಮೂಲೆಯಲ್ಲಿ ಕಳೆದುಹೋಗಿತ್ತು.
ಈ ಆಟೋ ಅಣ್ಣ ಕೂಡ ಎಷ್ಟು ಒಳ್ಳೆ ಮಾತನ್ನು ಹೇಳ್ತಾ ಇದಾನೆ.

ಬಸವಣ್ಣನವರು ಹೇಳಿದ "ಅಯ್ಯಾ ಎಂದರೆ ಸ್ವರ್ಗ, ಎಲವೋ ಎಂದರೆ ನರಕ"
ಎನ್ನುವ ಸುಭಾಷಿತದ ಮಾಡ್ರನ್ ರೂಪ ಇದು ಅನ್ಸುತ್ತೆ.


ಅಮ್ಮ ಅನ್ನು,
ನಿನ್ನ ಅಮ್ಮನ್ ಅನ್ನಬೇಡ
--------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೮೭ - ಸಾಲ ಮಾಡೋದು !!

ಈ ಆಟೋ ಕೂಡಾ ಕಣ್ಣಿಗೆ ಕಂಡಿದ್ದು ಇಂದಿರಾನಗರದ ESI ಆಸ್ಪತ್ರೆ ಬಳಿ. ಅದೇಕೋ ಆ ಸಿಗ್ನಲ್ಲಿನಲ್ಲಿ ಮಸ್ತು ಮಸ್ತು ಆಟೋ ಕಾಣುತ್ತವೆ.
ಈ ಅಣ್ಣ ಬರೆದಿರೋದು ಎಷ್ಟು ನಿಜ ನೋಡಿ.. ಅತಿ ಸಿಂಪಲ್ಲಾಗಿ "ಹಾಸಿಗೆ ಇದ್ದಷ್ಟು ಕಾಲು ಚಾಚು" ಎಂದು ಹೇಳಿದ್ದಾನೆ, ಹಾಗು ಸಾಲ ಮಾಡಿ ತುಪ್ಪ ತಿನ್ನೋರಿಗೆ ಒಂದು ಡೋಸ್ ಕೊಟ್ಟಿದಾನೆ.


"ಸಾಲ ಮಾಡೋದೇನೋ ಓಕೆ !
ಆದರೆ ತೀರ್ಸೋಕಾಗದೆ ಸಾಯ್ತೀರಲ್ಲ ಯಾಕೆ? "

ಮಸ್ತು ಗುರು... ಮಸ್ತು
--------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೮೬ - ಹೌಲಾ ಹೌಲಾ

ಆಫೀಸಿನಿಂದ ಮನೆಗೆ ಬರುವ ದಾರಿಯಲ್ಲಿ, ಇಂದಿರಾನಗರ ESI ಆಸ್ಪತ್ರೆ ಬಳಿ ಕಂಡದ್ದು.

ವಿಷ್ಣು ಅಭಿಮಾನಿ...



ಆಟೋ ಚಲಾಚಲಾಕೆ ಪಸೀನಾ ಆಗಯಾ
ಪೀಚೆ ದೇಕ್ಯಾ ತೋ ಮದೀನಾ ಆಗಯಾ


ಸಿಂಹದ ಕೊನೆಯ ಕೂಗು
ಹೌಲಾ ಹೌಲಾ

--------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ