ಬಿರ್ಲಾ ಕಬಾಬ್ ಸೆಂಟರ್

ಪ್ರತಿದಿನ ಆಫೀಸಿಗೆ ಹೋಗುವಾಗ, ಮೈಸೂರು ರಸ್ತೆಯ ಪಂತರಪಾಳ್ಯದಲ್ಲಿ ಈ ಕಬಾಬ್ ಗಾಡಿಯನ್ನು ನೋಡ್ತಿದ್ದೆ. ಪ್ರತೀ ಸಲ ನೋಡಿದಾಗಲೆಲ್ಲಾ, ಫೋಟೋ ತೆಗೆಯಬೇಕೆಂದು ಆಸೆ ಆಗ್ತಾ ಇತ್ತು. ನಾನು ಆಫೀಸಿಗೆ ಹೋಗೋದು ಕಂಪೆನಿ ಕ್ಯಾಬ್ ನಲ್ಲಿ, ಅವರನ್ನು ನಿಲ್ಸಿ ಅಂತಾ ಕೇಳೋಕ್ಕಾಗಲ್ಲ. ಇವತ್ತು ಯಾವುದೊ ಒಂದು ಕಾರಣಕ್ಕೆ ಬೈಕಿನಲ್ಲಿ ಆಫೀಸಿಗೆ ಬಂದೆ, ದಾರಿಯಲ್ಲಿ ಈ ಗಾಡಿಯನ್ನು ಕಂಡ ತಕ್ಷಣ ನನ್ನ ಬೈಕನ್ನು ನಿಲ್ಲಿಸಿ, ಆರಾಮಾಗಿ ಫೋಟೋ ತೆಕ್ಕೊಂಡೆ.
ಈ ಬಿರ್ಲಾ ಕಬಾಬ್ ಸೆಂಟರಿನಲ್ಲಿ, ಪ್ರಾಯಶಃ ಸಂಜೆ ಹೊತ್ತು ಕಬಾಬ್ ಮತ್ತು ಬೆಳಿಗ್ಗೆ ತಿಂಡಿ ಸಿಗುತ್ತೆ. ನಾನು ಫೋಟೋ ತೆಗೆದಾಗ ಅಲ್ಲಿ ಇಡ್ಲಿ ಮತ್ತು ವಡೆ ಕಣ್ಣಿಗೆ ಕಾಣುಸ್ತು.


----------------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ