ಆಟೋ ಅಣಿಮುತ್ತುಗಳು - ೧೦೭ - ಅಮ್ಮಾ ಎನ್ನಲು ಕೋಟಿ ಪುಣ್ಯವೋ

ತಂದೆ ತಾಯಿ ಆಶೀರ್ವಾದ, ಅಣ್ಣನ ಕಾಣಿಕೆ, ಸ್ನೇಹಿತನ ಪ್ರೋತ್ಸಾಹ... ಇತ್ಯಾದಿ ಅಣಿಮುತ್ತುಗಳನ್ನ ಬಹಳಷ್ಟು ನೋಡಿದೀವಿ.

ಕೆಲವು ದಿನಗಳ ಹಿಂದೆ ನನ್ನ ಕಣ್ಣಿಗೆ ಬಿದ್ದ ಅಣಿಮುತ್ತು ಇದು.

ಪ್ರಾಯಶಃ ತಾಯಿ ಮೇಲೆ ಅಪಾರ ಗೌರವ ಇರುವ ಹಾಗು ಅಣ್ಣಾವ್ರು ಹಾಗು ಶಂಕ್ರಣ್ಣ ನಟಿಸಿರುವ ಅಪೂರ್ವ ಸಂಗಮ ಚಿತ್ರದ

ಹಾಡಿನಿಂದ ಸ್ಫೂರ್ತಿಗೊಂಡಿರುವ ಆಟೋ ಅಣ್ಣ ಅನ್ಸುತ್ತೆ.

ಅಮ್ಮ ಎನ್ನಲು, ಕೋಟಿ ಪುಣ್ಯವೋ

ಅವಳ ತ್ಯಾಗಕೆ, ಸಾಟಿ ಇಲ್ಲವೋ

ಪಕ್ಕದಲ್ಲಿ ಪಾಗಲ್ ಅನ್ನುವ ಸ್ಟಿಕ್ಕರ್ ತೆಗೆದು ಹಾಕಿರುವ ಕುರುಹು ಕಾಣ್ತಾ ಇದೆ, ಪರವಾಗಿಲ್ಲಾ. ಎಲ್ರೂ ಒಂದಲ್ಲಾ ಒಂದು ರೀತಿಯ ಪಾಗಲ್ ಗಳು, ಅಲ್ವೇ?

---------------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ